Pesene Wong Jawa

Ngger anakku...
Sawangen kae dagelan jagat
Sing lagi rebutan dunya lan pangkat
Rumangsane wis paling kuat
Nganti lali yen dunya iki bakale kiamat

Ngger anakku...
Sawangen kae dagelan jagat
Padha lali ngrumat wasiat
Gaman aji kanggo dunya akhirat

Ngger anakku...
Sing kok sawang kae aja ditiru
Rungokno lan elinga karo pesenku
Kanggo ugeman lakon uripmu

Ngger anakku...
Ayumu dudu saka wedak pupur kang gampang luntur
Nanging saka resike atimu sing nampa pitutur luhur
Sugihmu dudu emas picis raja brana sing gampang sirna
Nanging jembare atimu sing kaya segara
Sing isa nampa pesthining kang maha kuwasa.

Ngger anakku,
Eling ta di eling-eling
Aja nganti imanmu nggoling

Ngger anakku
Sekarat pati iku banget larane
Sebab nalika jaman uripe
Akeh dosane lali marang taubate
Ngumbar terus hawa nafsu lan murkane..

Sugeng makarya .... 😁